اسلام آباد۔17جنوری (اے پی پی) وفاقی وزیر صحت ڈا??ٹر ندیم جان آکھیے چیلنجز دے باوجود پاکستان اڳلے سال پولیو مکاوݨ سانڳے پُرعزم اے ، 2024 اچ انسدادِ پولیو مہمات اچ شراک?? داراں نال رل تے ہر ٻال تئیں رسائی ممکن بݨاوݨ تے درپیش چیلنجز نال نبݨݨ سانڳے ہنگامی بنیاداں تے کم کریسن ۔ ٻدھ کوں جاری بیان موجب حکومتِ جاپان پاکستان اچ پولیو مُکاوݨ سانڳے 3.62 ملین ڈالر دی مزید گرانٹ دا اعلان کیتے جیں توں 21 ملین توں ودھ ویکسین دی خریداری کیتی ویسی ، ایں گرانٹ توں 2024 اچ تھیوݨ آلی پولیو مہمات توں پروگرام 5 سال توں گھٹ عمر ٻالاں کوں پولیو ویکسین پلا سڳسی ۔ پاکستان دنیا دے انہاں ݙو ملکاں اچوں ھک اے جتھاں حالی تئیں پولیو دا خاتمہ نی تھی سڳیا ۔ 2023ءاچ پاکستان اچ پولیو دے کل 6 کیسز رپورٹ تھئے ۔ ملک اچ کجھ جہیں تے پولیو کیسز محدود تھیوݨ دے بعد حکومت پاکستان اتے شراک?? دار ٻالاں کوں معذوربݨاوݨ آلی اے بیماری مکاوݨ سانڳے ھک مربوط اتے واضح پلان تشکیل ݙیندے پئن ۔ ہر قومی مہم اچ 3 لکھ 70 ہزار توں ودھ فرنٹ لائن ورکرز جنھاں اچ اکثریت تریمتاں دی اے ، ایں ڳالھ کوں یقینی بݨیندن جو پنج سال توں گھٹ عمر 44 ملین توں ودھ ٻالاں کوں لازمی پولیو توں بچاوݨ دے قطرے پلائے ونڄن ۔وفاقی وزیر صحت ڈا??ٹر ندیم جان آکھیے چیلنجز دے باوجود پاکستان اڳلے سال پولیو مکاوݨ سانڳے پرعزم اے۔
.jpg)
