ٹاسک فورس برائے پولیو دا اجلاس، وزیراعظم عمران خان اتے بل گیٹس سودھا چارے صوبیاں و گلگت بلتستان دے گورنر و وزرائے اعلیی اتے آزاد کشمیر دے وزیراعظم دی شرکت

APP59-170222 ISLAMABAD: February 17 Prime Minister Imran Khan hosted a luncheon in honor of Bill Gates at PM House. APP

اسلام آباد۔17فروری(اے پی پی)ٹاسک فورس برائے پولیو دا اجلاس اسلام آباد اچ تھیا جیندے اچ وزیراعظم عمران خان اتے بل اینڈ میلنڈا گیٹس دے شریک بانی بل گیٹس سودھا چارے صوبیاں و گلگت بلتستان دے گورنر و وزرائے اعلیٰ اتے آزاد کشمیر دے وزیراعظم شرکت کیتی۔ اجلاس اچ پولیو مکاوݨ سانڳے اقدامات، وفاقی و صوبائی حکومتاں دے تعاون اتے پولیو مہم سانڳے وسائل دے استعمال سودھا ٻئے ضروری انتظامات دا جائزہ ڳھدا ڳیا۔ بل گیٹس اجلاس اچ الیندے پولیو مکاوݨ سانڳے پاکستان دی قیادت، ہیلتھ ورکرز اتے والدین دے جذبہ دی تعریف کیتی۔ انہاں کرونا دے باوجود پولیو مکاوݨ سانڳے اقدامات تے حیرانگی کیتی اتے نیشنل ٹاسک فورس انسداد پولیو ولوں ٻالاں کوں پولیو دے قطرے پلاوݨ کیتے 36 فرنٹ لائن ورکرز اتے سیکیورٹی اداریاں دے 14 اہلکاراں دے جان وارݨ تے زبردست خراج عقیدت پیش کیتا۔ اجلاس اچ وزیر اعظم دے مشیر ڈاکٹر فیصل سلطان، گورنر خیبرپختونخوا شاہ فرمان، وزیراعلیٰ پنجاب سردار عثمان بزدار، وزیراعلیٰ خیبرپختونخوا محمود خان، وزیراعظم آزاد جموں و کشمیر سردار عبدالقیوم خان نیازی، وزیراعلیٰ گلگت بلتستان خالد محمود خان، وزیراعلیٰ خیبرپختونخوا محمود خان، وزیر صحت سندھ عذرا فضل پیچوہو، وزیر صحت بلوچستان احسان شاہ، بین الاقوامی اداراں دے نمائنداں اتے سینئر افسران شرکت کیتی اتے پورے ملک توں ڈپٹی کمشنرز ویڈیو لنک تے شریک تھین۔

مضمون کا ماخذ : ٹکی انماد

متعلقہ مضامین