آئين تحت هر شهري کي مذهب ۽ عبادت جي آزادي حاصل آهي: صدر

اسلام آباد – 25 – ڊسمبر (اي پي پي) صدر ڊاڪٽر عارف علوي چيو آهي ته آئين پاڪستان جي آئين تح?? هر شهري کي مذهب ۽ عبادت جي آزادي حاصل آهي، رياست جا برابر شهري هجڻ جي ناطي حڪومت اقليتن کي پنهنجون صلاحيتون ڀرپور طريقي سان استعمال ۾ آڻڻ جا موقعا فراهم ڪري رهي آهي، اسان جون پاليسيون بين العقائد هم آهنگي ۽ يڪجهتي جي فروغ تي آهن، حڪومت پاڪستان سمورن اقليتن جي ڀلائي لاءِ قدم کڻندي رهندي ۽ برابر ۽ انصاف جي اصولن کي برقرار رکڻ جي ڀرپور ڪوشش ڪندي. صدر ڪرسمس جي مناسبت سان پنهنجي پيغام ۾ چيو ته آئون ڪرسمس جي پرمسرت موقعي تي پاڪستان ۽ سڄي دنيا جي مسيحي برادري کي ڪرسمس ۽ نئين سال جي مبارڪباد پيش ڪريان ٿو، هن چيو ته ڪرسمس پنهنجي پيارن ۾ نعمتون ۽ خوشيون ورهائڻ جو ڏينهن آهي، اڄ اسان حضرت عيسيٰ عه کي خراج تحسين پيش ڪريون ٿا جيڪو پوري انسانيت لاءِ امن، ڀائيچاري ?? احترام جي علامت آهي، هن نه رڳو روحاني طور تي بيمار انسانيت کي شفا بخشي پر رواداري، محبت ۽ همدردي جي اعليٰ قدرن جي تلقين به ڪئي، هن ماڻهن کي نيڪ زندگي گذارڻ ۽ الله جي رحمت حاصل ڪرڻ جي تاڪيد ڪئي، هن سڀني کي امن، محبت ۽ معافي جو پيغام ڏنو.