نگران وزیراعظم انوار الحق کاکڑ دی وزیراعلیٰ سیکرٹریٹ گلگت اچ یادگار شہدا تے حاضری ،فاتحہ خوانی کیتی

گلگت۔12ستمبر (اے پی پی):نگران وزیراعظم انوار الحق کاکڑ وزیراعلیٰ سیکرٹریٹ گلگت اچ یادگار شہدا تے حاضری ݙتی،فاتحہ خوانی کیتی تے پھل چڑھائے ۔منگل کوں وزیراعلیٰ سیکرٹریٹ گلگت آمد تے نگران وزیراعظم کوں گارڈ آف آنر پیش کیتا ڳیا ۔نگران وفاقی وزیرداخلہ سرفراز بگٹی اتےنگران وفاقی وزیر اطلاعات ونشریات مرتضیٰ سولنگی، گورنر گلگت بلتستان سید مہدی شاہ وی ایں موقع تے موجود ہن ۔چیف سیکرٹری گلگت بلتستان نگران وزیراعظم کوں مختلف امور تے بریفنگ ݙتی۔ نگران وزیراعظم سکول دے طلبا تے طالبات نال وی ملاقات کیتی تے انہاں طلبہ دے بݨائے ڳئے مختلف ماڈلز دا معائنہ کیتا۔انہاں طلبہ دی پینٹنگز، تعلیمی،سائنسی و توانائی متعلق ماڈلز اچ گھاٹی دلچسپی دا اظہار کیتے تے ٻالاں دے ماڈلز تے طالبیں تے طالبات دی صلاحیتاں اتے انہاں حوصلہ افزائی کرݨ آلے استاداں دی خدمات دی تعریف کیتی ، انہاں ھک طالبہ دے سائنسی ماڈل دی تعریف کریندے ہوئیں اینکوں تعریفی سند ݙیوݨ دی ہدایت کیتی۔نگران وزیراعظم طلبہ توں موسمیاتی تبدیلیاں دے اثرات متعلق سوال کیتے ۔ نگران وزیراعظم آکھیے ساݙے ٻالاں اچ سائنس دے میدان اچ اڳوں ودھݨ دی مکمل صلاحیت موجود اے۔

مضمون کا ماخذ : میٹھا بونانزا

متعلقہ مضامین