تنازعہ کشمیر دے حل کیتے سلامتی کونسل دی قرارداداں تے عملدرآمد کرایا ونڄے، نگران وزیراعظم انوارالحق کاکڑ دی اقوام متحدہ دے سیکرٹری جنرل نال ملاقات اچ ڳالھ مہاڑ

نیویارک۔21ستمبر (اے پی پی) نگران وزیراعظم انوار الحق کاکڑ آکھیا جو تنازعہ کشمیر دے حل کیتے سلامتی کونسل دی قرارداداں تے عملدرآمد کرایا ونڄے۔ وزیراعظم آفس میڈیا ونگ توں جاری بیان موجب نگران وزیراعظم انوار الحق کاکڑ نیویارک اچ اقوام متحدہ دی جنرل اسمبلی دے 78 ویں اجلاس دے موقع تےاقوام متحدہ دے سیکرٹری جنرل انتونیوگوتریس نال ملاقات کیتی۔ وزیراعظم گزریل سال پاکستان اچ چھل وچال انہاں دی حمایت اتے بحالی تے تعمیر نو دے فریم ورک (4آر ایف ) تے جنیوا کانفرنس دی سانجھی میزبانی تے سیکرٹری جنرل دا شکریہ ادا کیتا۔ وزیراعظم موسمیاتی تبدیلی دے سنگین خطریاں پاروں ترقی یافتہ ملکاں ولوں موسمیاتی تبدیلی وعدیاں دی تکمیل دی اہمیت تے زور ݙتا۔ وزیراعظم 5 اگست 2019 کوں بھارت دے غیر قانونی زیرتسلط جموں تے کشمیر اچ غیر قانونی اتے ہک پاسہ اقدامات دا ذکر کریندیں ہوئیں سیکرٹری جنرل کوں بھارت ولوں جاری انسانی حقوق دی سنگین خلاف ورزیاں دا ݙسیا۔ انہاں جموں تے کشمیر دےتنازعے دے حل کیتے اقوام متحدہ دی سلامتی کونسل دی قرارداداں تے عمل کراوݨ تے زور ݙتا۔

مضمون کا ماخذ : بونانزا

متعلقہ مضامین