اقوام متحدہ دی جنرل اسمبلی اچ پاکستان دی حمایت یافتہ مذہبی علامتاں، مقدس کتب تے حملیں دی مذمت دی قرارداد منظور

Mr Bilal Chaudhry , Counsellor Pakistan Mission speaking after the adoption on the resolution on Promoting interreligious and intercultural dialogue and tolerance in countering hate speech adopted today by consensus at the United Nations. Pakistan was among the co-sponsors of the resolution.

اقوام متحدہ۔26جولائی(اے پی پی) اقوام متحدہ دی جنرل اسمبلی قرآن پاک دی بے حرمتی دے واقعات، نفرت انگیز تقریراں ، مقامات ، مقدسات ، مذہبی علامات دے خلاف حملیں کوں روکݨ تے مذمت تے پاکستان دے تعاون نال مراکش دی پیش کیتی ڳئی قرارداد دی اتفاق رائے نال منظوری ݙے ݙتی۔ مراکش تے پاکستان دے تعاون نال ’’نفرت انگیز تقریر دا مقابلہ کرݨ کیتے بین المذاہب اتے بین الثقافتی مکالمے اتے رواداری کوں ودھارا ݙیوݨ ‘‘ دے عنوان نال قرارداد پیش کیتی جیں کوں 193 رکنی جنرل اسمبلی منظور کرڳھدا ۔ سفارت کاراں آکھیے پاکستان ملائیشیا اتے مصر نال رل تے قرارداد دی قیادت کیتی جیں دا مقصد مذہبی جہیں ، نشانات اتے مقدس کتاباں دے تقدس کوں برقرار رکھݨا اے ۔قرارداد اچ آکھیا ڳئے جو مذہب یا عقیدے دی بنیاد تے تشدد دی ساری کارروائیاں دے نال نال مذہبی علامات، مقدس کتاباں، گھراں، کاروباراں، جائیداداں، سکولاں، ثقافتی مرکز یا مقامات دے خلاف کہیں وی طرح دیاں کارروائیاں تے عبادت دے نال نال مذہبی جہیں مزاراں تے تھیوݨ آلے حملے بین الاقوامی قانون دی خلاف ورزی ہن جنہاں دی سختی نال مذمت کیتی ڳئی ۔سپین ایں پیرا گراف اچ ترمیم جمع کرائی جیں اچ بین الاقوامی قانون دی خلاف ورزی اچ آکھیے ڳئے الفاظ حذف کرݨ کیتے آکھیا ڳئے ،ایں ترمیم دی مخالفت اچ 62 اتے حمایت اچ 44 ووٹ پئن جݙاں جو 24 ارکان ایندے اچ حصہ نی ڳھدا ۔ جنرل اسمبلی قرارداد دیاں شرطاں دے تحت رکن ملکاں تے زور ݙتے جو او سارے متعلقہ سٹیک ہولڈرز نال بین المذاہب اتے بین الثقافتی مکالمے کوں ودھارا ݙیوݨ تے اختلافات دے احترام اتے قبولیت کوں ودھارا ݙیوݨ تاں جو نفرت انگیز تقریر دے کھنڈݨ کوں مسترد کیتا ونڄے جیڑھا جو امتیازی سلوک، دشمنی تے تشدد کوں ودھیندن ۔ جنرل اسمبلی رکن ملکاں تے سوشل میڈیا کمپنیاں توں مطالبہ کیتے جو او نفرت انگیز تقریر روکݨ ایں سلسلے اچ تحقیق کوں فعال کرݨ تے مؤثر رپورٹنگ ذرائع تئیں صارفین دی رسائی ودھاون ۔ جنرل اسمبلی اچ پاکستان دے مندوب بلال چوہدری قرارداد دی منظوری تے اطمینان کریندے ہوئیں آکھیے اے قرارداد مذہبی منافرت متعلق اسلامی تعاون تنظیم دی طرفوں ہݨے ہی پیش کیتی ڳئی قرارداد دے سلسلے دی ھک کڑی اے جیڑھا جو جنیوا اچ انسانی حقوق کونسل اچ منظور کیتی ڳئی ہئی ۔ پاکستانی مندوب آکھیے ایں تاریخی قرارداد اچ قرآن پاک دی بے حرمتی دے اڄوکے واقعات سودھے مذہبی منافرت دے سارے مظہر دی مذمت کیتی ڳئی تے ملکاں توں مطالبہ کیتا ڳئے جو ایجھے قانون کوں اپناون جیڑھے انہاں کوں ایہو جے واقعات اچ ملوث ذمے واریاں کوں انصاف دی کچاری اچ گھن آوݨ دے قابل بݨاون ۔

مضمون کا ماخذ : ولف گولڈ

متعلقہ مضامین