قانون دی حکمرانی پاکستان اچ وڈا مسئلہ رہ گے، مہاتیر محمد اساں کیتے رول ماڈل ہن، ملائیشیا دا معاشرہ تحمل اتے برداشت دے اوصاف نال مالا مال اے، کوالالمپور سربراہ اجلاس دا مقصد پوری دنیا اچ اسلامو فوبیا دا مشترکہ مقابلہ کرنڑاں ہئی ،دہشت گردی دا اسلام نال کوئی تعلق کائنی ، وزیر اعظم عمران خان
کوالالمپور۔ 4 فروری (اے پی پی) وزیر اعظم عمران خان آکھیے جو قانون دی حکمرانی پاکستان اچ وڈا مسئلہ رہ گے، بااثرلوک اجارہ دار گروپ تے سیاسی مافیاز خود کوں قانون توں اتے سمجھدن تے مرضی نال قیمتاں ودھا ڈیندن تے غریب دا استحصال کریندن ،پاکستان کوں اسلامی فلاحی ریاست بنڑاونڑ کیتے اساکوں انہاں دا مقابلہ کرنڑاں اے مہاتیر محمد اساں کیتے رول ماڈل ہن، ملائیشیا دا معاشرہ تحمل اتے برداشت دے اوصاف نال مالا مال اے، کوالالمپور سربراہ اجلاس دا مقصد پوری دنیا اچ اسلامو فوبیا دا مشترکہ مقابلہ کرنڑاں ہئی ،دہشت گردی دا اسلام نال کوئی تعلق کائنی، مسلم دنیا دی قیادت مغرب کوں اسلام دا حقیقی چہرہ ڈکھالنڑ اچ ناکام رہی اے ،انتہا پسند پراپیگنڈے دے ذریعے نینگراں کوں گمراہ کیتا ویندا پئے ۔ منگل کوں اتھاں انسٹیٹیو ٹ آف ایڈوانس اسلامک سٹیڈیز اچ کلیدی خطاب کریندے ہوئیں وزیراعظم عمران خان پاکستان متعلق قائد اعظم دا وژن میڈا وژن اے ۔ قائد اعظم محمد علی جناح برصغیر دے عظیم لیڈر ہن ، رسول پاک مدینہ دی ریاست دا منڈھ بدھیا ۔ انہاں آکھیے جو مدینہ دی ریاست انسانی تاریخ دی پہلی فلاحی ریاست ہئی ،مدینہ دی ریاست اچ انصاف تے مساوات کوں بنیادی حیثیت حاصل رہی ،پاکستان دا تصور وی مدینہ دی ریاست دے مطابق ہا ،بدقسمتی نال وقت دے نال اساں اپنڑے صحیح رستے توں ہٹ گے ۔وزیر اعظم آکھیا جو حکومت ہیلتھ انشورنس پروگرام شروع کیتے جیں دے تحت 60 لکھ خانداناں کوں علاج دیاں مفت سہولتاں کیتے صحت کارڈ تے گن ، غربت مکاونڑ کیتے اقدامات کیتے ویندے پن ،غریب لوکاں دی مالی معاونت کیتی ویندی پئی اے ،انہاں کوں مال ڈھور ،پیشہ ورانہ تربیت گھننڑ تے بیاں سہولتاں ڈتیاں ویندیاں پن تاں جو ذہین تے معاشرے دے کمزور طبقے کوں مفت کھانڑاں تے رہائش کیتے 200شیلٹر ہوم تعمیر کیتے گن ۔
.jpg)
