غزہ اچ وݙا ظلم تھیندا پئے ڄیکوں ݙیکھ تے اکھیں اچ ہنڄو آ ویندن، صدر مملکت

اسلام آباد۔23اکتوبر(اے پی پی) صدر مملکت ڈاکٹر عارف علوی آکھیے جو غزہ اچ وݙا ظلم تھیندا پئے ڄیکوں ݙیکھ تے اکھیں اچ ہنڄو آ ویندن، غزہ اچ بربریت مکاوݨ مسلم امہ اتے عالمی برادری کوں کردار ادا کرݨا چاہیدے۔ اے ڳالھ صدر ڈاکٹرعارف علوی کینسر نال آگاہی بارے تقریب نال خطاب کریندے آکھی۔ انہاں آکھیا جو ملک اچ پولیو مکاوݨ کیتے پولیو مہم کامیابی نال جاری اے، پاکستان کرونا دا بہترین حکمت عملی نال مقابلہ کیتے، ہر گھر کوں کہیں نا کہیں شکل اچ ذہنی صحت مسلے ٻھوڳݨے پوندن، گھر اچ چنڳے ماحول نال ذہنی صحت دے مسائل توں جان چھڑائی ونڄ سڳدی اے جو انہاں مسلیاں پاروں لوک خودکشیاں کرݨ تے مجبور تھی ویندن۔ صدر مملکت غزہ دی صورتحال تے چنتا کریندے آکھیے جو غزہ اچ اسرائیلی مظالم ݙیکھ تے ہر کوئی ݙکھی اے، اتے غزہ دی صورتحال ٻہوں افسوسناک اے۔

مضمون کا ماخذ : کلیوپیٹرا

متعلقہ مضامین