وزیراعظم عمران خان وفاقی دارالحکومت دے ایف۔ 9 پارک اچ ٻوٹا لاتے پورے ملک دی ساوݨ شجر کاری مہم دا آغاز کریسن

اسلام آباد۔25جولائی (اے پی پی):وزیراعظم عمران خان اڄ سنوار کوں وفاقی دارالحکومت دے ایف۔ 9 پارک اچ ٻوٹا لاتے پورے ملک دی ساوݨ دی شجر کاری مہم دا آغاز کریسن جݙاں جو وزیراعظم دے ساوا پاکستان دے وژن دی روشنی اچ 10 بلین سونامی ٹری پروگرام دے تحت وزارت موسمیاتی تبدیلی اتے سی ڈی اے اڄوکے ساوݨ دے موسم اچ شجر کاری مہم دے حوالے نال ودھیکی انتظامات کررکھئن۔ اسلام آباد اچ گزریل ݙو ݙھاکیں اچ وݨاں دی وݙے پیمانے تے گھٹکی تھئی اے تاں جو خاص طور تے گزریل ݙو سالاں توں شجرکاری دا گراف اتے ویندا پئے کیوں جو موجودہ حکومت دی مؤثر حکمت عملی دے تحت وݙے پیمانے تے ٻوٹے لاتے ویندے پئن ، اتھاں اے امر قابل ذکر اے جو وزیراعظم عمران خان ساوݨ شجر کاری مہم دے سلسلے اچ گزریل ݙینھ نتھیا ڳلی اچ پائن دا ٻوٹا لاتے تے آپݨے ٹویٹر اکاونٹ تے ٻوٹا لاوݨ دی تصویر وی شیئرکیتی ہئی ۔ وزیراعظم آپݨے ٹویٹ اچ آکھیے جو میں چاہنداں جو پوری قوم ملک کوں ساوا تے سوہݨا بݨاوݨ اچ حصہ گھنے ۔

مضمون کا ماخذ : como jogar na loteria

متعلقہ مضامین