ڄڳ کوں غزہ دے بے گناہ لوکاں دی آواز سݨݨی چاہیدی اے، وزیراعظم محمد شہباز شریف دا ڈی-ایٹ سمٹ دے فلسطین و لبنان بارے خصوصی اجلاس نال خطاب
APP39-191224
CAIRO: December 19 – Prime Minister Muhammad Shehbaz Sharif addresses the 11th Developing-Eight (D-8) Summit. APP/FHA
قاہرہ۔19دسمبر(اے پی پی)وزیراعظم محمد شہباز شریف غزہ دی صورتحال کوں بہوں وݙا اتے ناقابل تصور انسانی المیہ قرار ݙیندے آکھیے جو ڄڳ کوں غزہ دے بے گناہ لوکاں دی آواز سݨݨی چاہیدی اے، پاکستان جنگ بندی کیتے بین الاقوامی ثالثی دیاں کوششاں دی حمایت کریندے۔ ڈی-ایٹ سمٹ دے فلسطین اتے لبنان بارے خصوصی اجلاس نال خطاب کریندے انہاں آکھیا جو پاکستان دے عوام اتے حکومت ڈی ایٹ سربراہی اجلاس دی سائیڈ لائنز تے غزہ اتے لبنان اچ جاری معصوم لوکاں دے قتل عام اتے بربریت تے غور کیتے خصوصی اجلاس سݙݨ تے ایں اقدام تے صدر عبدالفتاح السیسی دا شکریہ ادا کریندن، اسرائیل دے ودھدے مظالم غزہ اچ تباہی مچاوݨ دے بعد ہݨ مغربی کنارے تئیں کھنݙ چکین، ایندے نال اینڄھی ٻھا ٻھڑکی اے جیڑھی ایران، عراق، یمن اتے ایندے ٻاھرو پورے خطے کوں ولھیٹ سڳدی اے۔
APP41-191224 CAIRO: December 19 – Prime Minister Muhammad Shehbaz Sharif addresses the 11th Developing-Eight (D-8) Summit. APP/FHA
وزیراعظم آکھیا جو اکتوبر 2023 توں غزہ جو کڄھ تھیندا پئے او ہک سیاہ تاریخ اے، اے ہک انسانی المیہ اے جیندا سوچݨ وی ٻہوں خوفناک اے، اسرائیل ولوں غزہ اتے لبنان دے عوام کوں ڄاݨ ٻڄھ تے اتے غیر انسانی طور تے نشانہ ٻݨاوݨ نال وحشیانہ کارروائیاں پاروں ہک وݙا قتل عام تھئے ڄیڑھا بین الاقوامی قوانین، اقوام متحدہ دی قرارداداں اتے عالمی عدالت انصاف دی ہدایات دی صریحاً خلاف ورزی اے، بے گناہواں دے خون اچ رنگے انہاں صفحات دی تاریخ گواہی ݙیسی، ناں تاں اینڄھے گھناؤنے جرائم کرݨ آلیاں کوں معاف کریسی ناں چپ رہݨ آلیاں کوں بخشیسی۔
APP40-191224 CAIRO: December 19 – Prime Minister Muhammad Shehbaz Sharif addresses the 11th Developing-Eight (D-8) Summit. APP/FHA
وزیراعظم آکھیا جو پاکستان مسلسل سخت الفاظ اچ اسرائیل دی غزہ، مغربی کنارے، لبنان اتے شام دے خلاف جارحیت دی مذمت کیتی اے، اسرائیل دی اقوام متحدہ ریلیف اینڈ ورکس ایجنسی فار فلسطین دے خلاف کارروائی وی اتنی ہی قابل مذمت اے ڄیکوں روکݨ ضروری اے، اقوام متحدہ ریلیف اینڈ ورکس ایجنسی فار فلسطین، غزہ اتے مغربی کنارے اچ اسرائیلی مظالم نال متاثر لکھاں بے بس فلسطینیاں کیتے ہک لائف لائن اے، پاکستان بین الاقوامی قانون اتے اقوام متحدہ دی سلامتی کونسل اتے او آئی سی دی متعلقہ قرارداداں دے مطابق مشرق وسطیٰ اچ پائیدار امن دی کنجی دے طور تے ہک منصفانہ، جامع اتے دیرپا ݙو ریاستی حل دی مسلسل وکالت کیتی اے، 1967 توں پہلے دیاں سرحداں دی بنیاد تے ہک قابل عمل، خودمختار اتے ملحقہ ریاست ٻݨائی ونڄے جیندا دارالحکومت القدس الشریف ہووے، پاکستان کشیدگی دا فوری خاتمہ چاہندے، ساکوں غزہ، مغربی کنارے، لبنان اتے ٻئے جنگ زدہ علاقیاں دی بحالی اتے تعمیر نو کیتے مناسب فنڈز ݙیوݨ تے غور کرݨا چاہیدے جیڑھا اسرائیلی بمباری نال تباہ تھی گئن۔ وزیراعظم آکھیا جو فلسطین کیتے امدادی سامان جاری رکھݨا چاہیدے، ڄڳ کوں غزہ دے بے گناہ لوکاں دی آواز سݨݨی چاہیدی اے، ڄیڑھے کہیں وی ڳݨتری یا رپورٹس توں ودھ بلند آہنگ ہین اساں اپݨی اجتماعی طاقت کوں کٹھا کرݨ، ایکوں ایں طویل تاریخی تباہی مکاوݨ، اسرائیل دے وحشیانہ فوجی اتے سیاسی تسلط توں آزاد کراوݨ کیتے پرعزم ہیں، ساکوں یتیماں، بیوائیں اتے معصوم ٻالاں دی آواز سݨݨی چاہیدی اے ڄیڑھے اپݨا روزگار اتے املاک سودھا سب کڄھ قربان کر چکین اتے ساری زندگی اپݨے پیراں تے کھڑے نئیں تھی سڳدے ۔
.jpg)
