این سی او سی آپریشن دی ذمہ واری وزارت صحت کوں ݙتی ویندی پئی اے ، اسد عمر

اسلام آباد۔31مارچ (اے پی پی):وفاقی وزیر منصوبہ بندی، ترقی ، اصلاحات و خصوصی اقدامات اسد عمر آکھیے جو اڄ خمیس توں این سی او سی آپریشن دی ذمہ واری وزارت صحت کوں ݙتی ویندی پئی اے خمیس کوں آپݨے ھک ٹویٹ اچ انہاں آکھیے جو اڄ این سی او سی آپریشن دا آخری ݙینھ اے ۔ایں ویلھے کورونا دے کیسز ٻہوں گھٹ تے ویکسی نیشن ساریں توں ودھ اے ، انہاں آکھیے ہݨ ذمے واری وزارت صحت کوں ݙتی ویندی پئی اے ۔ اسد عمر آکھیے جو 2 سالاں دے دوران این سی او سی دی سربراہی کرݨ میݙی زندگی دا ساریں توں وݙا اعزاز اے۔ اللہ دی رحمت اتے پوری قوم دے تعاون نال اساں وݙے چیلنج تے قابو پاوݨ اچ کامیاب تھیوں ۔ انہاں آکھیے جو ھک پاکستانی دی حیثیت نال میکوں فخر اے جو پاکستان کوں عالمی ایجنسیاں اتے شخصیات دی طرفوں دنیا دے کامیاب ترین لوکاں اچوں ھک دے طور تے ایں ادارے دے کووڈ۔19 رسپانس دی تعریف ملی۔

مضمون کا ماخذ : سانتا کا سرپرائز

متعلقہ مضامین